काठमाण्डौ ,२३ जेठ ।
प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहालले आफुलाई पार्टीले जित्ने कुरा ठुलो लाग्न छाडेको बताउनु भयो ।
ब्यावस्थापिका संसदमा संबोधन गर्दै प्रधानमन्त्री दाहालले संबिधानसभा निर्वाचनका क्रममा एकताका आफ्नो पार्टी पहिलो बनेको र पछि फेरी तेस्रो बनेको भन्दै अब निर्वाचनमा कुन पोजिसन आउछ भन्ने ठुलो लाग्न छोडेको बताउनु भयो ।
अहिलेको स्थानिय तह निर्वाचनमा पनि आफ्नो पार्टी गणितीय हिसावमा कुन पोजिसनमा आयो भन्दा पनि जनताको एजेण्डा पास भए भन्ने कुरा महत्वपूर्ण रहेको बताउनु भयो ।
उहाँले अब दोस्रो चरणको निर्वाचन पनि गरेरै छोड्नु पर्नेमा जोड दिनुभयो । आफ्नो पार्टी गणितिय रुपमा हिसाव गरेर अगाडि नबढेको र अब पनि त्यसो नगर्ने भन्दै उहाँले जस्तोसुकै परिणाम आएपनि दोस्रो चरणको निर्वाचन गराएरै छाड्नुपर्ने बताउनु भएको हो ।
