जेष्ठ २२ ईनरुवा । नेपाल कम्युनिष्ट पार्टी सुनसरीका जिल्ला सेक्रेटरी उदय राई युगेन सहित ६ जना नेता कार्यकर्तालाई २५ दिन हिरासतमा राखेर रिहा गरे लगत्तै पुनः पक्राउ गरी पकलीमा लगिएको छ ।
साझ ५ बजे थुनछेक बहस सकिए पछि सादा तारेखमा रिहा गरिए पनि पकली प्रहरी कार्यलयको नाममा अर्को मुद्धा दर्ता गरी पकलीमा लगेर राखिएको छ ।
बैशाख २९ गते बराह नगरपालिका ८ बाट सेक्रेटरी युगेन,धरान नगर सेक्रेटरी सुरज राई, अखिल नेपाल महिला संघ क्रान्तिकारीकी जिल्ला अध्यक्ष खड्ग कुमारी राई, बराह नगर सेके्रटरी सुरेस राई, जिल्ला कमिटिका सदस्य अमृत राई, महिला संगठनकी जिल्ला सदस्य मिना धामी लाई पक्राउ गरिएको थियो ।
त्यसै गरी जेष्ठ १० गते ईटहरीबाट पक्राउ गरिएका जिल्ला कमिटि सदस्य मोहन कार्कीलाई अझै ईनरुवामै राखिएको छ ।
उता सल्यानमा पनि रिहा गरे लगत्तै पक्राउ परेका कार्यकर्ताको रिहाईको माग गर्दै नेपाल कम्युनिष्ट पार्टीले आज सल्यान बन्द गरेको छ ।
