डोटी,जेष्ठ १९ । ईजाजत बिना नेपाल प्रवेश गर्दा डोटीमा पक्राउ परेका भारतीय प्रहरीलाई कारबाहि नै नगरी गुपचुप रुपमा बुझाईएको छ ।
कञ्चनपुरको सिमापारी बनबासामा लगेर भारतीय सुरक्षाकर्मी समक्ष उनीहरुलाई बुझाईएको महाकाली अञ्चल प्रहरी कार्यालय प्रमुख एसएसपी सुशिल भण्डारीले पुष्टि गर्नुभएको छ ।
उहाँले भारतीय प्रहरीका डिएसपी नागराज सहितका ५ जनालाई बुझाईएको जानकारी प्राप्त भएको तर थप बिबरण थाहा नभएको बताउनुभयो ।जिल्ला प्रहरी कार्यालय प्रमुख एसपी डिल्लीराज विष्टले आफैं स्कटिङ्ग गरेर सीमानाका कटाउन कञ्चनपुरमा रातारात लगिएकाे थियाे ।
एक नेपाली लालबहादुर आउजीलाई अपहरण शैलीमा लैजाँदै गर्दा उनीहरुलाई जिल्ला प्रहरी कार्यालय डोटी नजिकबाट बुधबार राति पक्राउ गरिएको थियो । पक्राउ परेकालाई कुनै कारबाही नगरी गुपचुप रुपमा बुझाइएको हो ।
पक्राउ परेका भारतीय प्रहरीले एक ट्राभल एजेन्सीबाट स्कोरपियो गाडी भाडामा लिएर दिपायल सिलगढी नगरपालिका ८ का लडागडाका लालबहादुर आउजीलाई पक्राउ गगरी लिएर जाँदै थिए । लुटपाट गरी नेपाल आएको आरोपमा आउजीलाई खोज्दै भारतीय प्रहरी टोली नेपाल आएको बताइएको छ । आउजीलाई भने मुक्त गरिएको छ ।
