काठमाडौ १६ जेठ ।
वरिष्ठ पर्यटन व्यवसायी बिके श्रेष्ठको ६४ वर्षका उमेरमा मंगलबार निधन भएको छ ।
अर्बुद रोगबाट लामो समयदेखि पीडित श्रेष्ठको मंगलबार बिहान आफ्नै निवासमा निधन भएको होटेल सङ्घ नेपालका महासचिव विनायक शाहले जानकारी दिए । र्याडिसन होटलका सञ्चालक एवम् हानका पूर्वअध्यक्ष श्रेष्ठले पर्यटन क्षेत्रमा ४० वर्षभन्दा बढी योगदान गरेका छन् ।
हिमालयन ट्राभल एन्ड टुरका संस्थापक श्रेष्ठले खासगरी तारे होटलको व्यावसायिकीकरण गरी पर्यटन प्रवर्द्धनमा महत्वपूर्ण भूमिका खेलेका थिए । उनी सन् २०१४ देखि २०१६ सम्म हानको अध्यक्ष थिए । श्रेष्ठका श्रीमती र तीन छोरी छन् । मंगलबार नै उनको पशुपति आर्यघाटमा अन्त्येष्टि गरिनेछ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
