काठमाडौँ, १४ जेठ । व्यवस्थापिका–संसद्को बैठक आज पनि बस्दै छ ।
नयाँ बानेश्वर स्थित संसद भवनमा बिहान ११ बजे बस्ने बैठकमा आजको बैठकमा आज पनि आर्थिक वर्ष २०७४÷७५ का लागि सरकारको नीति तथा कार्यक्रममाथिको छलफल हुने छ ।
हिजोबाट सुरु भएको छलफलमा भाग लिदै प्रतिपक्षी दलका सांसदहरुले काम चलाउ सरकारले पूर्ण वजेट ल्याउन नहुने बताएका थिए भने सत्तारुढ दलका सांसदले पुरानै कार्यक्रम समेटिएकाले विरोध गर्न नहुने बताएका थिए ।
छलफलमा भाग लिँदै एमाले संसदीय दलका उपनेता सुवासचन्द्र नेम्वाङले देशमा कामचलाउ होइन स्थायी सरकारका रुपमा नीति तथा कार्यक्रम आएको आफूहरूले हेर्न चाहेको बताउनुभयो ।
नेकपा (माओवादी केन्द्र)का रामनारायण बिडारीले प्रमुख प्रतिपक्षी दलले संसदीय व्यवस्थाको उपहास गरेको आरोप लगाउँदै सरकारको नीति तथा कार्यक्रम वैज्ञानिक रहेको बताउनु भयो । बैठकमा हिजो बोल्न बाकी रहेका सांसदहरुले आज पनि आ आफ्नो धारणा राख्ने छन् ।
