ईटहरी ,१२ जेठ ।
दोस्रो चरणको निर्वाचन नजिकिदै जादा नेपाली सेनाले संबेदनसिल मानिएका क्षेत्रहरुमा निर्वाचन सुरक्षको लागी भन्दै गस्ती बढाएको छ ।
सुनसरीका सिमावर्ती क्षेत्र अमाईबेला , श्रीपुर ,हरिहरपुर , लौकहि , बर्जु लगायतका क्षेत्रमा नेपाली सेनाले दिउसै हतियार सहित गस्ती गरिरहेको छ ।
बिशेष गरेर बिहान र बेलुकाको समयमा सेनाले बढी गस्ती गर्ने गरेको सो क्षेत्रका स्थानियहरु बताउछन् ।
चुनाव खारेजी अभियानमा रहेको नेपाल कम्युनिष्ट पार्टीले आफ्नो गतिबिधी बढाएको भन्दै सेना , प्रहरी तथा म्यादि प्रहरीको गस्ती हुने गरेको अमाईबेलाका तिलक शर्माले बताए ।
सेनाको गस्ती बढेका कारण साझ बिहान सडकमा ढुक्कले हिड्न सक्ने अवस्था पनि नरहेको उनले बताए ।
यता ईटहरीका राम श्रेष्ठले शहर बजारमा समेत सेनाको गस्ति रहेकोले आगामि जेठ ३१ मा हुने निर्वाचनमा के हुने हो आशङ्का बढेको बताए ।
बिशेषगरेर सिमावर्ती क्षेत्र र ईटहरी ईनरुवा लगायतका क्षेत्रमा सेनाले गस्ति बढाएको जनाईएको छ । ईटहरी,ईनरुवा लगायतका क्षेत्रमा कम्युनिष्ट पार्टीका नेता तथा कार्यकर्ताले सेल्टर लिएर बस्ने र निर्वाचन बिरोधि गतिबिधि बढाएको आशंकामा प्रशासनले सो क्षेत्रमा कडाई गरेको प्रहरी स्रोतको भनाई छ ।
उता नेकपाले भने निर्वाचन सुरक्षाको नाममा प्रहरी प्रशासनले आफ्ना नेता कार्यकर्तालाई टेलिफोन गरी धम्क्याउने ,बिना कारण गिरफ्तार गरी झुठा मुद्धा लगाउने काम गरेको भन्दै बिरोध जनाएको छ ।
साथै पक्राउ परेका आफ्ना सबै नेता कार्यकर्तालाई बिना सर्त तत्काल रिह गर्न पनि नेकपाको आग्रह छ ।
