काठमाडौं, जेठ १० ।
प्रधानमन्त्री पुष्पकमल दाहाल प्रचण्डले आज अपरान्ह ४ बजे देशवासीका नाममा सम्बोधन गर्दैहुनुहुन्छ । प्रधानमन्त्री दाहालले आफ्ना सम्बोधनका क्रममा पदबाट राजीनामाको घोषणा गर्नसक्ने बताइएको छ ।
प्रधानमन्त्रीले संसदको बैठकलाई सम्बोधन गरेर राजिनामा दिने तयारी गरेपनि पनि एमालेले संसद बैठक चल्नै नदिएपछि सिंहदरवारबाटै राष्ट्रका नाममा संबोधन गर्न लाग्नुभएको हो ।
संबोधनमा उहाँले आफ्नो कार्यकालमा भएका कामको बिषयलाई प्राथमिकता दिनुहुने जनाइएको छ ।
नेपाली कांग्रेस र नेकपा माओवादी केन्द्रको गठबन्धनमा प्रधानमन्त्री बन्नुभएका दाहालले सोही समझदारी अनुसार पदबाट राजीनामा दिन लाग्नुभएको छ ।
आलोपालो सरकारको नेतृत्व गर्ने समझदारी अनुरुप दाहाल गत १९ साउनमा कंग्रेसको समर्थनमा प्रधानमन्त्री बन्नुभएको थियो । प्रधानमन्त्रीले राजीनामा दिएपनि नयाँ सरकार गठन हुन भने अझै केहिदिन लाग्नेछ ।
राजीनामा लगत्तै राष्ट्रपति भण्डारीले सहमतिका आधारमा सरकार गठनको प्रयास गर्न एकसाताको समय दिनुहुनेछ । त्यसपछि मात्र बहु्मतिय सरकार गठनको प्रयास हुनेछ ।
