काठमाडौं, जेठ ८ । मुलुकका चार महानगरपालिकामध्ये तीनओटाको मेयरमा नेकपा एमाले र एउटामा नेपाली कांग्रेसका उम्मेदवार अगाडि देखिएका छन् ।
त्यसैगरी, विवेकशील नेपाली पार्टीकी रञ्जु दर्शनाले १२ हजार २ सय २१ मत प्राप्त गरेकी छन् ।
ललितपुर महानगरपालिकाको प्रमुखमा नेपाली कांग्रेसका चिरीबाबु महर्जनले २१ हजार २ सय ७७ मतसहित अग्रता लिएका छन् । एमाले उम्मेदवार हरिकृष्ण ब्यञ्जनकारले १९ हजार ६ सय ८२ मत प्राप्त गरेका छन् ।
यस्तै, भरतपुर महानगरपालिकाको प्रमुखमा नेकपा एमालेका उम्मेदवार देवी ज्ञवालीले २२ हजार १ सय ४४ मत प्राप्त गरेका छन् भने नेकपा माओवादी केन्द्रकी रेणु दाहालले १९ हजार ७ सय ५७ मत प्राप्त गरेकी छन् ।
यसैगरी, पोखरा–लेखनाथ महानगरपालिकामा पनि नेकपा एमालेका उम्मेदवार अगाडि देखिएका छन् ।
एमाले उम्मेदवार मानबहादुर जिसीले २२ हजार ३ सय २९ मत ल्याएका छन् भने कांग्रेस उम्मेदवार रामजी कुँवरले १९ हजार ९ सय ३ मत प्राप्त गरेका छन् । यहाँ स्थगित भएको मतगणना पुनः सुरु भएको छ ।
