काठमाडौँ, ४ जेठ । काठमाडाै महानगरपालिकामा आज रातिसम्मको मतगणनाअनुसार नेकपा (एमाले) को अग्रता कायमै छ ।
प्रमुखमा एमालेका उम्मेदवार विद्यासुन्दर शाक्य छ हजार ६४८ मतसहित अग्रस्थानमा हुनुहुन्छ भने उहाँलाई नेपाली काँग्रेसका राजुराज जोशीले चार हजार २२७ मतले पछ्याइरहनुभएको छ ।
त्यसैगरी विवेकशील नेपाली दलका रञ्जु न्यौपानेले दुई हजार ७५६ मत र साझा पार्टीका किशोर थापाले एक हजार १९९ मत प्राप्त गर्नुभएको छ ।
त्यस्तै उपप्रमुखमा काँग्रेसकी हरिप्रभा खड्गीले पाँच हजार ६८७, राष्ट्रिय प्रजातन्त्र पार्टीका राजाराम श्रेष्ठले तीन हजार ७३८ मत प्राप्त गरेकोे मुख्य निर्वाचन अधिकृत दीपेन्द्र अधिकारीले जानकारी दिनुभयो । आयोगका अनुसार काठमाडाँै महानगरपालिकामा हालसम्म १९ हजार ७३८ मतगणना भएको छ ।
यसैगरी ललितपुर महानगरपालिकाको प्रमुखमा नेपाली काँग्रेसको अग्रता कायमै छ । तीस हजार मत गणना गणिसक्दा प्रमुखमा काँग्रेसका चिरीबाबु महर्जनले १० हजार २४६ मत प्राप्त गर्नुभएको छ । उहाँलाई नेकपा(एमले)का हरिकृष्ण ब्यञ्जनकारले ९ हजार ४५२ मतसहित पछ्याइरहनुभएको छ ।
त्यस्तै साझा पार्टीका रमेश महर्जनले पाँच हजार ८९४ मत र नेकपा(माओवादी केन्द्र)का दिनेश महर्जन(दीपेश)ले दुई हजार १७० मत प्राप्त गर्नुभएको सहायक निर्वाचन अधिकृत ईश्वर आचार्यले राससलाई जानकारी दिनुभयो ।
ल्लितपुर वडा नं ११ मा नेकपा(एमाले)का इन्द्रमणि महर्जन विजयी हुनुभएको छ ।
