बाग्लुङ, जेठ ४ ।
नेपाल प्रेस युनियनका केन्द्रीय सदस्य एवम् धौलागिरि संयोजक ज्ञानेन्द्र गौतम बाग्लुङ नगरपालिका–११ को वडाध्यक्षमा निर्वाचित भएका छन् ।
उनी नेपाली कांग्रेसका तर्फबाट छ सय चार मत प्राप्त गरी विजयी भएको हो । उनका निकटतम प्रतिद्वन्द्वी नेकपा (एमाले)का दलबहादुर थापाले चार सय एक मत प्राप्त गरेका थिए ।
गौतमको दुई दशकदेखिको पत्रकारिता यात्रा स्थानीय तहको निर्वाचसँगै राजनीतितिर मोडिएको छ । उनी बाग्लुङ सदरमुकामस्थित सामुदायिक रेडियो बागलुङको स्टेसन म्यानेजर र ई–बागलुङ अनलाइन पत्रिकाको सम्पादकसमेत भएका थिए ।
उनले यसअघि अन्नपूर्ण पोस्ट राष्ट्रिय दैनिकलगायतका सञ्चार माध्यममा काम गरिसकेका छन् ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
