हेटाँडा ,३ जेठ ।
मकवानपुर प्रहरीले ठूलो परिमाणमा अबैध विदेशी रकम पक्राउ परेका एक युवालाइ अाज दिउँसो सार्वजनिक गरेको छ ।
प्रहरीलेहेटाैडा १५ स्थित रातोमाटे चेकपोष्टबाट करिब ९० लाख नेपाली रुपैयाँ बराबरको अबैध डलर मंगलबार राती बरामद गरेको मकवानपुरका प्रहरी प्रमुख एसपी बसन्तकुमार लामाले बताउनुभयो ।
हेटाैडाबाट पथलैयातर्फ जाँदै गरेको wB 29 B 1953 नम्बरको भारतीय यात्रुबाहक बस चेकजाँचको क्रममा भारत खालधारपारा, कलोरा बस्ने २१ वर्षीय अबिक मण्डलको शरिर चेकजाँच गर्ने क्रममा अबैध डलर फेला परेको उहाँले बताउनुभयो ।
मण्डलले शरिरभित्र लुकाई छिपाई ल्याएको एक सयको आठसय ६० वटा युएसए डलर, युरो ५०० को एक थान, साउदी रियाल १०० को तीन थान, ५०० को दश थान बरामद गरी थप अनुसन्धान भईरहेको एसपी लामाले जानकारी दिनुभयो । विशेष सूचनाको आधारमा अबैध डलर सहित पक्राउ गरिएको उहाँले बताउनुभयो ।
