चितवन ,२ जेठ। भरतपुर महानगरपालिकाको मतगणना जारी छ । पछिल्ला परिणामअनुसार माओवादी केन्द्रकी मेयर उम्मेदवार रेणु दाहाल निकै पछि परेकी छन् ।
अहिले सम्म एमालेका उम्मेदवार देवी ज्ञवालीले २७४९ मत प्राप्त गरी अग्रता लिएका छन् । माओवादी केन्द्रकी रेणु दाहालले १८६९ मत ल्याएकी छन् ।रेणु झन्डै एक हजार मतले पछि परिन् ।
उपमेयरमा नेपाली काँग्रेस पार्वती शाहले लिड गरिरहेकी छन् । शाहलाई माओवादीले भोट दिएको तर दाहाललाई काँग्रेसले नदिएको देखिन्छ ।
हुन त यो नै धेरै मत गणना हुन बाँकी छ तर तरपनि यहीअनुसार अन्तिम रिजल्ट हुन सक्ने देखिएको छ ।
प्रधानमन्त्री तथा माओवादी केन्द्रका अध्यक्ष प्रचण्डले छोरीलाई जिताउन नै रुखमा भोट हालेकाले पनि सबैको ध्यान भरतपुरैतिरै छ ।
प्रचण्डले रुखमा भोट हालेपछि काँग्रेसका नेता–कार्यकर्ताले भने माओवादीलाई भोट नदिएको जारी मतगणनाले देखाएको छ ।
काँग्रेस र माओवादी केन्द्रको यो तालमेल अराजनैतिक भन्दै दुबै पक्षका नेता–कार्यकर्ता र समर्थक नै सन्तुष्ट थिएनन् ।
यदि भरतपुर र पोखरामा अहिलेकै जस्तो अन्तिम परिणम आएमा सत्ता गठबन्धनमा समेत प्रभाव पर्ने निश्चित छ ।
