काठमाडौँ, १ जेठ ।
आम निर्वाचन पर्यवेक्षण समिति (जियोक)ले स्थानीय तहको पहिलो चरणको निर्वाचन केही स्थानमा भएका छिटफुट घटनाबाहेक शान्तिपूर्ण वातावरणमा सम्पन्न भएको
जियोकले प्रेस विज्ञप्तिमार्फत प्रारम्भिक प्रतिवेदन सार्वजनिक गर्दै प्रदेश नं ३, ४ र ६ का ३४ वटा जिल्लामा भएको पहिलो चरणको निर्वाचनमा शान्पिुर्ण रुपमा सम्पन्न भएको जनाएको हो ।
चौतीस जिल्लाका २८३ स्थानीय तहको निर्वाचनमा छ हजार ६४२ मतदान केन्द्रको व्यवस्था गरिएको थियो । निर्वाचनमा खटिएका सुरक्षाकर्मी र कर्मचारीले समन्वयका साथ जिम्मेवारी निर्वाह गरेको पनि उक्त संस्थाले जनाएको छ ।
चुनाव प्रसारप्रसारका क्रममा चारदिन अघि दोलखामा कुलबहादुर तामाङ र मतदानको दिन मेजुङ गाउँपालिकाको शक्तिश्वर मावि मतदान केन्द्रमा नकुल भुजेलको मृत्युको घटनालाई उक्त संस्थाले दुःखद संयोकका रुपमा रहेको बताएको छ ।
केही स्थानमा आचारसंहिता उलङ्घनका सङ्केत देखिएको भन्दै संस्थाले उम्मेदवारको सङ्ख्याको तुलनामा मतपत्र अत्यधिक ठूलो भएको र उम्मेदवारबाहेकको अप्रासङ्गिक निर्वाचन चिह्नहरु समेत समावेश गरिएकोले मतपत्र नै भद्दा रहेको संस्थाका अध्यक्ष हिमालय शम्शेर राणाले बताउनु भएके छ ।
जियोकले राष्ट्रिय, जिल्ला, नगर र गाउँपालिकाका २९० गरी पर्यवेक्षक खटाएको थियो ।
