ओम हमाल/ पोखरा, ३० बैशाख । नेपाल बन्दको सिलसिलामा पोखराबाट नेत्रविक्रम चन्द विप्लव नेतृत्वको नेपाल कम्युनिष्ट पार्टीका दुई जना कार्यकर्ता पक्राउ परेका छन् ।
पोखराको लेकसाइडस्थित एक होटलबाट उनीहरुलाई पक्राउ गरिएको प्रहरीले जानकारी दिएको छ ।
हाल वडा प्रहरी कार्यालय बैदामको हिरासतमा रहेका कम्युनिष्ट पार्टीका कार्यकर्ताहरुमा पूर्णबहादुर राउत “पीबि” र टीकाराम घिमिरे रहेका छन् ।
यसअघि गएराती करीब ९ बजेको समयमा पोखराको लेकसाइड नजिकै रहेको तालबाराही मावि मतदान केन्द्र नजीक सतली बम विष्फोट भएको थियो ।
ठूलो आवाजमा विष्फोट भएपनि खासै क्षति नभएको प्रहरीको भनाई छ । नेपाल बन्दकाकारण आज पोखरामा सार्वजनिक सवारी साधन, उद्योगधन्दा पसलहरु केही चलेका छैनन् भने छिटफुट मोटरसाइकलहरु चलेका छन् ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
