काठमाण्डौ, २५ वैशाख ।
सरकारले छिमेकी मुलुक चीनले अघि सारेको ‘वान बेल्ट वान रोड’ परियोजनामा हस्ताक्षर गर्ने भएको छ ।
मन्त्रिपरिषद््को आज बसेको बैठकले चीन सरकारले अघि सारेको सडक परियोजनामा हस्ताक्षर गर्नेे निर्णय गरेको हो । त्यसका लागि आगामी बैशाख २९ गते उपप्रधान एवं अर्थमन्त्री कृष्ण बहादुर महरा नेतृत्वको टोलीलाई चीन पठाउने निर्णय गरेको सरकारका प्रवक्ता एवं सूचना तथा सञ्चारमन्त्री सुरेन्द्र कार्कीले जानकारी दिनुभयो ।
उक्त सडक परियोजनाले चीनबाट नेपाल, भारत हुँदै यूरोप जोड्नेछ ।
बैठकले राष्ट्रपति विद्यादेवी भण्डारीको आगामी शुक्रबारदेखि हुने थाइल्याण्ड र श्रीलंकाको राजकीय भ्रमणको तालिका पनि स्वीकृत गरेको छ ।
यस्तै मन्त्रिपरिषद् बैठकले काठमाडौं उपत्यकाको चारै सुरमा नयाँ व्यवस्थित सहर निर्माण गर्ने पनि निर्णय गरेको छ ।
उपत्यकामा भएको बढ्दो चाप घटाई व्यवस्थित वसोबासका लागि नयाँ सहर निर्माणको निर्णय गरिएको मन्त्री कार्कीले जानकारी दिनुभयो ।
