काठमाडौं, वैशाख २० ।
नेपाल पत्रकार महासंघ काठमाडौं शाखाको हालै सम्पन्न १० औं अधिवेशनका सन्दर्भमा हामी आन्दोलित छौं ,प्रेस यूनियन,प्रेस सेन्टर,प्रेस सोसाइटी लगायत ६ संगठनले ध्यानआर्कषण जनाएकाछन् ।
काठमाडौं शाखाको अधिवेशन र केन्द्रीय सभाषद चयन प्रक्रियामा भएको केन्द्रको हस्तक्षेप, राजनीतिक पूर्वाग्रह र व्यवसायिक पत्रकारहरुलाई पाखा लगाउने कार्यको विरुद्धमा आन्दोलित रहेकाले हर्षोल्लासका साथ प्रेस स्वतन्त्रता दिवस मनाउने अवस्थामा हामी छैनौं ।
व्यवसायिक पत्रकारहरु आफ्नै संस्थाभित्र पाखा लाग्ने अवस्थामा महासंघले प्रेस स्वतन्त्रता दिवस मनाउनुको औचित्य पुष्टि हुन सक्दैन ।
तसर्थ हामी बैशाख २० गते नेपाल पत्रकार महासंघले प्रेस स्वतन्त्रता दिवसका सन्दर्भमा गर्ने कुनैपनि कार्यक्रममा सहभागि नहुने र बहिस्कार गर्ने निष्कर्षमा पुगेका छौं ।
हाम्रो यो निर्णय स्वतन्त्र पत्रकारिता र व्यवसायिक पत्रकारहरुको हकहितकै लागि भएकोले सहयोगको अपेक्षा गर्दछौं ,विज्ञप्तीमा उल्लेख छ ।
