काठमाडौं १८ वैशाख
सरकारबाट बाहिरिने निर्णय गर्न सत्तारुढ दल राष्ट्रिय प्रजातन्त्र पार्टीको कार्यसम्पादन समितिको बैठक बसिरहेको छ ।
सत्तारुढ नेपाली कांग्रेस र माओवादी केन्द्रका सांसदहरुले प्रधानन्याधीश सुशीला कार्कीमाथी लगाएको महाअभियोग प्रस्तावको बिरोध गर्दै सरकारबाट बाहिरिने जनाएको राप्रपाले सो निर्णय गर्न बैठक बोलाएको हो ।
यसअघि आज बिहान बसेको बैठकमा केन्द्रीय सदस्यहरूको बोल्ने क्रम नसकिएपछि साझ ५ बजेसम्मका ालगी बैठक स्थगित गरिएको थियो ।
पार्टी केन्द्रीय कार्यालयमा जारी बैठकमा महाअभियोग प्रस्ताव , मुलुकको समग्र परिस्थिति, आगामी चुनावका सम्बन्धमा पार्नसक्ने प्रभाव लगायतका बिषयमा सदस्यहरुले धारणा राखिरहेको बताईएको छ ।
यसैबीच, राष्ट्रपति भण्डारी र उपप्रधान एवं संघीय मामिला तथा स्थानीय बिकास मन्त्री थापाबीच समसामयिक राजनीतिक घटनाक्रमबारे करिब एक घण्टा छलफल भएको छ ।
प्रधानमन्त्री पुष्पकमल दाहालसँग भेट भएलगत्तै राष्ट्रपति भण्डारीले अर्को सत्तारुढ घटक राप्रपा अध्यक्ष थापालाई शीतल निवास बोलाउनुभएको थियो ।
महाअभियोग प्रस्तावप्रति असन्तुष्टि जनाउदै सरकार छाड्ने चेतावनी दिएको राप्रपा अध्यक्ष र राष्ट्रपति भण्डारीबीच स्थानीय तह निर्वाचनमा देखिएको अन्योलबारे समेत कुराकानीको भएको थियो ।
