मोरङ, बैशाख १४ ।
मोरङ र विराटनगरमा एकाएक अत्याधिक गर्मी बढेको छ । हावा पानी फील्डको कार्यालय विराटनगर विमानस्थल शाखाकाअनुसार आज विराटनगरमा अहिलेसम्मको उच्च तापक्रम रेकड भएको जनाएको छ । गर्मी सुरु भएयता विराटनगरमा आजको तापक्रम ३८.२ डिग्री सेल्सीयस रहेको छ ।
यसअघि मंगलबार ३६.४ डीग्री सेल्सीयस र सोमबार ३५.६ डिग्री सेल्सीयस तापक्रम रेकडभएको हावा पानी फील्डको कार्यलय विराटनगर विमानस्थलका शाखाले जनाएको हो ।
बाध्यताबस सर्वसाधारण तथा सरकारी कर्मचारी आ–आफनो कामकालागी मात्र निस्कीने गरेका छन् । गर्मीका कारण अस्पतालमा झाडापखाला, निमोनीया, डाईरीया, दमका बिमारी बढेको कोशि अञ्चल अस्पतालले जनाएको छ । दैनिक १५ देखि २० जनाको हाराहारीमा गर्मीको समस्याका कारण बिमारी भएर अस्पताल भर्ना हुने गर्छ ।
गर्मीबाट बच्न छाता, अथवा लामो बाहुला भएको तथा शरीर छोप्ने खालका कपडा लगाएर घामबाट बच्न सकिन्छ ।
