काठमाडौं १२ बैशाख।
संयुक्त विद्यार्थी संगठनले आज प्याब्सन र एन प्याब्सनको जिल्ला तथा केन्द्रीय कार्यालयमा तालाबन्दी गर्दै छन् ।
निजी शैक्षिक संस्थाहरुले नियमविपरित चर्को शुल्क लिएको भन्दै आन्दोलनमा उत्रिएका उनीहरुले आज निजी तथा आवासिय बिद्यालयको छाता संगठनका मुलुकभर रहेका कार्यलयहरुमा तालाबन्धी गर्न लागेका हुन् ।
राजधानीको डिल्लीबजार स्थित प्याप्सनको कार्यलयमा आज बिहान ११ बजे र कुपन्डोल स्थित एन प्याप्सनको कार्यलय सहित मुलुकभरका कार्यलयमा तालाबन्दी गर्ने अनेरास्ववियुका सचिव आरसी लामिछानेले बताउनुभयो ।
शुल्क बृद्धिको बिरोधकमा एक सातादेखि बिभिन्न आन्दोलन गर्दै आएका बिद्यार्थी संगठनहरुले यसअघि हिजो चर्को शुल्क लिने निजी विद्यालयहरुको लेखा र प्रशासन शाखामा तालाबन्दी गरेका थिए ।
पहिलो चरणको आन्दोलनका कार्यक्रम आज सकिएपनि आजै बैठक बसि दोस्रो चरणका आन्दोलनका कार्यक्रम घोषणा गर्ने उनीहरुको तयारी छ ।
