काठमाण्डौ ,१३ बैशाख ।
नेपाल कम्युनिष्ठ पार्टीले लगनखेलबाट पक्राउ परेका राष्ट्रिय युवा जनस्वयमसेवकका ललितपुर जिल्ला अध्यक्ष सुरेन्द्र लामालाई तत्काल रिहा गर्न माग गरेको छ ।
नेकपा ललितपुरका सेक्रेटरी विपिन र राष्ट्रिय युवा जनस्वयमसेवकका अध्यक्ष झकबहादुर मल्लले आज छुट्टाछुट्टै विज्ञप्ती जारी गरी लगनखेलबाट पक्राउ परेका लामालाई तत्काल रिहा गर्न माग गर्नु भएको हो ।
लामालाई गत बैशाख ११ गते दिँउसो ललितपुर जिल्ला अदालत परिषरमा आफ्नै निजी कामको शिलसिलामा गएको अवस्थामा साधा पोशाकधारी प्रहरीले गिरफ्तार गरेको थियो । । उनलाई हाल जिल्ला प्रहरी कार्यलय ललितपुरमा नै राखिएको छ ।
कम्युनिष्ट पार्टीका नेता कार्यकर्ता बिरुद्ध अनावस्यक धरपकट , दमन र भ्रामक प्रचारबाजि गर्दै आएकोमा प्रहरीले सडकबाटै लामालाई पक्राउ गरिको प्रति पार्टीको गम्भिर ध्यानाकर्ष भएको पनि सेक्रेटरी विपिनद्धारा हस्ताक्षरित विज्ञप्तीमा भनिएको छ ।
बिज्ञप्तीमा भनिएको छ , बिना कारण गरिएको गिरफ्तारीप्रति घोर भत्सना गर्दै उहाँको अबिलम्ब रिहाईका लागी हामि सम्बन्धीत पक्षलाई आग्रह गर्दछौ ।
लामालाई तत्काल रिहाई गर्नुका साथै यस्ता कार्य बन्द नगरिए कम्युनिष्ट पार्टी कडा संर्घषमा जाने समेत उहाँले चेतावनी दिनुभएको छ ।
यस्तै जनस्वयमसेवकका अध्यक्ष मल्लले पनि लामालाई तत्काल रिहाई नगरे संगठनले गर्ने संघर्षका कारण उत्पन्न हुने जुनसुकै परिणामको पनि जवाफदेही ललितपुर प्रहरी र प्रसासन हुने चेतावनी दिनुभएको छ ।
यसैबीच पार्टीले आज उहाँको रिहाईको माग गर्दै ललितपुरमा बिरोध कार्यक्रम समेत आयोजना गरेको छ ।
