काठमाडौ ।
नेपालका प्रसिद्ध कलाकार तथा फोटोपत्रकार अजय देसारमाथि नख्खिपोटमा साँघातिक हमला भएको छ ।
ललितपुरको चापागाउं स्थित निवासवाट मंगलवजार आउने क्रममा स्कुटरमा सवार दुईजना युवाहरुले देसारमाथि आक्रमण गरेका हुन् ।
चार बर्षकी छोरीलाई घरवाट स्कुल पुर्याउने क्रममा नखिपोट लाइननिर पुग्दा स्कुटरमा सवार दुईजना स्थानीय युवाहरुले देसार सवार स्कुटरलाई च्यापेपछि भएके सामान्य विवादका क्रममा देसारमाथि सुनियोजित रुपमा कुटपिट भएको हो ।
दुई वटा मोटरसाइकलमा आएका आक्रमणकारीमध्ये बा ६३ प ९८४ नम्बरको स्कूटरमा आएका आक्रमणकारीको फोटो समेत खिचिएको छ । हमलाकारहरुले देसारमाथि मुक्का प्रहार गरेको बताईएको छ ।
हमलाकार र उनको स्कुटर
यसवारेमा पिडित देसारले चापागाँउ प्रहरी र सातदोवाटो प्रहरीलाई जानकारी दिएर हदैसम्मको कारवाही सहितको जाहेरी दिइसकेको जनाएका छन् ।
कलाकार तथा फोटोपत्रकार देसारमाथिको हमलाको सर्वत्र निन्दा भएको छ। नेपाल पत्रकार महासंघ ललिपुरले घटना भएकै दिन विज्ञप्ती निकाले घटनाप्रति घोर भत्सना गर्दै दोषिमाथि कार्वाहिको माग गरेको छ ।
महासंघ नागरिकलाई सुसूचित गराउने गहन जिम्मेवारी वहन गर्ने पत्रकारमाथि भएको आक्रमण, क्यामेरा तोडफोडको कडा शब्दमा भत्र्सना गर्दछ । पत्रकार देशारको शीध्र स्वास्थ्य लाभको कामना गर्दै आक्रमणकारीको खोजी गरी कारवाही गर्न माग गर्दछ । साथै महासंघ पत्रकारलाई निर्वाध र निर्भीक पत्रकारिताको वातावरण निर्माण गर्न प्रशासनको ध्यानाकर्षण गराउँदछ ,विज्ञप्तीमा भनिएको छ ।
