काठमाडौं, बैशाख ३ ।
काठमाडौं महानगरपालिका र महानगरीय ट्राफिक प्रहरी महाशाखा काठमाडौंले सडक अनुशासनलाई कडाइका साथ लागू गर्न फुटपाथमा राखिएका सबै पसल हटाउने कार्यलाई तीव्रता दिइएको छ ।
फुटपाथमा राखिएका पसलहरूका कारण सडकमा हिँड्दा धेरै गा¥हो हुने तथा दुर्घटना हुनसक्ने भएकाले फुटपाथबाट मानिसलाई सजिलो तरिकाले हिडाउँन काठमाडौंका महानगरपालिकामा रहेको फुटपाट पसल हटाउन लागेको हो ।
महाशाखाका प्रमुख एवं प्रहरी नायब महानिरीक्षक मिङमार लामाले ट्राफिक प्रहरी, नेपाल प्रहरी र काठमाडौं महानगरपालिकाको सहयोगमा चैत्र २८ गतेदेखि फुटपाथमा रहेका पसलहरू हटाउने कार्य थालिएको बताएका छन् ।
उनले सडक सुरक्षाका लागि एक महिनासम्म जनचेतना जगाउने कार्यक्रम र उल्लङ्घन गरे कानुनी कारबाहीका बारेमा चेतना मुलक कार्यक्रम सञ्चालन गर्ने स्पष्ट पारेका छन् ।
यस्तै, काठमाडौं महाशाखाले बैशाख १ गतेदेखि हर्न बजाउन निषेध गरेपछि सवारी चालक सजग भएर सवारी चलाउन थालेको र यसबाट दुर्घटनामा केही कमी आएको जनाएको छ ।
काठमाडौं महाशाखाका प्रमुख लामाले अनावश्यक हर्न बजाउने दैनिक दुई सयभन्दा बढी सवारी साधनलाई कारबाही गरेको बताएका छन् ।ट्राफिक प्रहरीको नयाँ नीति नियमअनुसार अत्यावश्यक अवस्था र घुम्ती ठाउँमा बाहेक अन्य स्थानमा हर्न बजाउन निषेध गरेको छ ।
