ओखलढुंगा, १ वैशाख
राष्ट्रपति विद्यादेवी भण्डारी आज ओखलढुंगा जाँदै हुनुहुन्छ । ओखलढुंगाको देम्बामा हुने महोत्सवको उद्घाटन गर्न उहाँ आज त्यसतर्फ प्रस्थान गर्न लाग्नु भएको हो ।
राष्ट्रपति भण्डारीसँगै एमाले महासचिव ईश्वर पोखरेल र कांग्रेस नेतृ सुजाता कोइराला पनि महोत्सवका लागि ओदलढुंगा जाने कार्यक्रम छ ।
राष्ट्रपतिको भ्रमणलाई मध्यनजर गर्नै जिल्लाको सुरक्षा व्यवस्था कडा पारिएको स्थानीय प्रशासनले जनाएको छ । ओखलढुंगामा पर्यटकीय क्षेत्रको विकास गर्ने उदेश्यले आयोजना गरिएको महोत्सव महोत्सव तीन दिन सम्म चल्ने छ ।
समुद्रसतहबाट ३ हजार ३ सय ३३ मिटरको उचाइमा रहेको देम्बा डाँडामा हुने महोत्सवले ओखलढुंगालाई खोटाङ र सोलुको पर्यटकीय रुटको ट्रान्जिट बनाउन सहयोग पुग्ने आपेक्षा गरिएको छ ।
महोत्सव उद्घाटनसँगै राष्ट्रपति भण्डारीले ओखलढुंगामा संचालित एक सामुदायिक रेडियोको नियमित प्रशारण शुभारम्भ गर्ने कार्यक्रम पनि रहेको छ ।
