काठमाण्डौ, चैत्र ३१ ।
नयाँ शक्ति पार्टि नेपालले हुन लागेको स्थानिय तहको निर्वाचन अलोकतान्त्रिक र विभेदकारी रहेको बताएको छ ।
नयाँ शक्तिले आफुभन्दा वाहेकका दलहरुलाई चुनाव चिन्हकासाथ जनतामा जाने अधिकारबाट बञ्चित गराईएको आरोपसमेत लगाएको छ ।
आज राजधानीमा पत्रकार सम्मेलन गर्दै पार्टिका संयोजक डा. बाबुराम भट्टराईले स्थानिय तह निर्वाचन ऐन २०७३ को दफा २६(६र७) अबिलम्ब खारेज गरि सबै दललाई निर्वाचनमा भाग लिने वातावरण बनाउन माग गर्नुभयो ।
यस्तै आजै नयाँ शक्तिले स्थानिय तह निर्वाचनमा सबै दलले चुनाव चिन्ह सहित भाग लिन पाउने अधिकारको सुनिश्चतता गर्न मागसहित प्रधानमन्त्रीलाई ज्ञापन पत्र बुझाएको छ ।
यसैविच नयाँ शक्तिले आजै विरोधका कार्यक्रम सार्वजनिक गरेको छ । जस अनुसार बैशाख २ गतेदखि बिहान ८ बजेदेखि बेलुका ६ बजेसम्म शान्तिबाटिकामा रिले अनसन शुरु गर्ने जनाएको छ ।
यस्तै बैशाख ३ गते प्रधानमन्त्री निवास, संसद भवन घेरा गर्ने रहेको छ ।
