बर्दिवास, २७ चैत ।
महोत्तरीको बर्दिवासमा निर्माण गरिएको एकीकृत नमुना मुसहर बस्ती आगामी वैशाख १ गते मुसहरलाई हस्तान्तरण गरिने भएको छ ।
धुर्मुस सुन्तली फाउन्डेसनले गत पुस २५ गते शिलान्यास पछि सुरु गरिएको बस्ती निर्माण कार्य सकिएको छ ।
बर्दिवासमा आयोजित सर्वपक्षीय बैठकमा बोल्दै फाउण्डेसनका सीताराम कट्टेलले निर्माण सुरु गरेको ९५ औंँ दिनभित्रै काम सकेको जानकारी दिनुभयो ।
वैशाख १ गते बिहान ८ बजे सुरु हुने हस्तान्तरण समारोहमा
गत पुस २५ गते हास्यकलाकार मह जोडीले शिलान्यास गरेको सो बस्तीमा ५० घरधुरी मुसहरका लागि ५० घर, एउटा सामुदायिक भवन, दुई सार्वजनिक शौचालय, बालोद्यान, दृश्यस्तम्भ र मुसहरका कुलदेवता दिनभद्रीको मन्दिर बनेका छन् ।
यसैगरी विगतमा मुसहर बस्तीभित्रै बस्दै आएका अन्य समुदायका तीन परिवारका लागि फाउन्डेसनले थप तीन घर बनाएको छ । सबै घर खानेपानी धारा, शौचालय, बिजुली र सडक सुविधासँग जोडिएको तथा अपाङ्गता भएका, बालबालिका र वृद्धवृद्धा वातावरणमैत्री बनेको फाउन्डेसनका परियोजना प्रबन्धक अर्जुन न्यौपानेले जानकारी दिनुभयो । बस्तीको निर्माण लागत करिब रु पाँच करोड छ ।
