काठमाण्डौ , २५ चैत ।
नेपाल वायुसेवा निगमले आज अमेरिकन कम्पनी एएआरसँग दुईवटा वाइडबडी जहाज खरिद गर्ने सम्झौता गरेको छ ।
काठमाडौंमा आज सम्पन्न सम्झौता अनुसार पहिलो विमान सन् २०१८ को अप्रिल र दोस्रो विमान सन् २०१८ को मेसम्ममा आइपुग्ने छ ।
उक्त सम्झौतामा निगमका महाप्रबन्धक सुगतरत्न कंसकार र एएआरका प्रमुख दिपक शर्माले हस्ताक्षर गुर्नभएको छ ।
दुबै विमान २१ अर्ब ९० करोड रुपैयाँमा खरिद गर्ने गरी सम्झौता भएको हो । नेपालको उड्ययन इतिहासमा नै यति ठूलो रकम खर्चेर एकैपटक विमान खरिद गर्न लागेको यो पहिलो पटक हो ।
वायुसेवा निगमले एयरबसको सबैभन्दा सानो वाइडबडी ‘ए ३३०र२००’ जहाज खरिदका लागि खोलेको टेण्डरमा १० वटा कम्पनीले प्रस्ताव पेश गरेका थिए ।
वायुसेवा निगमले नयाँ विमानबाट दक्षिण कोरिया, जापान, अष्ट्रेलिया, साउदी अरेबीया लगायतका राष्ट्रमा उडान भर्ने बताएको छ ।
हस्ताक्षर समारोहमा बोल्दै निगमका महाप्रवन्धक कंसाकारले नेपाललाई महँगो गन्तव्य मानिदै आएकोमा निगमले वाइडवडी विमान सेवामा लगाएपछि अपेक्षाकृत भाडा सस्तो हुनुका साथै नेपाल सहज गन्तव्यबन्ने बताउनु भयो ।
उहाँले नेपाल सरकारले पर्यटन प्रवद्र्धनमा विशेष अभिरुची राख्दै निगमलाई विमान किन्न ग्यारेन्टी बसेकोमा आभार व्यक्त गर्नुभयो ।
एएआरका प्रतिनिधि दिपक शर्माले नेपाल सँग यस प्रकारको सम्झौता गर्न पाएकोमा गौरवको महसु भएको बताउनु भयो ।
