चितवन , २१ चैत ।
मुग्लिन–नारायणगढ सडकखण्ड अन्तरगत चितवनको कविलासस्थित घुमाउने भन्ने स्थानमा खसेको सुख्खा पहिरोमा परी एक जनाको मृत्यु भएको छ ।
आज बिहान एक्कासी सडक माथिबाट पहरो खसेर केही गाडीलाई पुर्दा अन्य दुई जना घाईते भएका छन् ।
मृत्यु हुनेमा लमजुङ सुन्दरबजार नगरपालीका ३ का रेशराज राना रहेका छन् । काठमाडौंतर्फ जाँदै गरेको बा १० प ४८४४ नम्बरको मोटरसाइकलका चालक रानाको घटना स्थलमा नै मृत्यु भएको हो ।
रेशमसँगै मोटरसाईकलमा सवार उनका छोरा १५ बर्षिय सन्दिप राना भने घाईते भएका छन् । यस्तै ना ४ ख ५४ १९ नम्बरको ट्याङकरका चालक पर्सा विरगन्ज – १८ का ३६ बर्षिय बनु पटेल पनि घाईते छन् ।
घाईतेलाई उपचारको लागि भरतपुर लगिएको चितवन प्रहरी जनाएको छ ।
बिहान १० बजेतिर सडक माथिबाट ठूलो पहरो झरेर एउटा जीप, ट्यांकर, ट्रक र दुईवटा बाइक पुरेको मुग्लिन प्रहरीले जनाएको छ ।
प्रहरीका अनुसार अहिले मुग्लिन तर्फबाट गएको एस्काभेटरले पुरिएका गाडीहरुलाई निकाल्ने प्रयास गरिरहेको छ ।
ठूला ठूला चट्टानसहितको पहरो खसेर पुरिएको ना६ख ६६६४ को ट्रकलाई झिकिएको छ भने ना४ख ५४१९ नम्बरको ट्याङकर र रा१ख ७७९ नम्बरको मिनिट्रक पुरिएको स्थानबाट झिक्ने कोशिस भइरहेको छ । पहरो झरेपछि सवारी आवागमन ठप्प रहेको छ ।
