काठमाण्डौ ,१६ चैत ।
राष्टपति विद्यादेवि भण्डारीले आज भारतीय सेनाध्यक्ष विपिन रावतलाई नेपाली सेनाको मानार्थ महारथीको पदवी प्रदान गर्दै हुनुहुन्छ ।
राष्टपति भण्डारील अपरान्ह ४ बजे शितल निवासमा आयोजना गरिएको एक विशेष समारोहका विचमा सो मानार्थ प्रदान गर्न लाग्नु भएको हो ।
नेपालको चार दिने भ्रमणका लागि हिजो राजधानी आइपुग्नु भएका रावतले पोखरामा रहेको भारतीय निवृत्ति भरण केन्द्रको निरीक्षण तथा मुक्तिनाथको दर्शन गर्ने कार्यक्रम रहेको छ ।
रावतको सम्मानमा प्रधानसेनापति राजेन्द्र क्षेत्रिले हिजै रात्रि भोजको आयोजना गर्नु भएको थियो । रावतले प्रधानमन्त्री पुष्पकमल दाहाल, रक्षामन्त्री बाँलकृष्ण खाँड सँग भेटवार्ता गर्ने कार्यक्रम रहेको परराष्ट मन्त्रालयले जनाएको छ ।
गत डिसेम्बरको अन्तिम साता भारतीय सेनाध्यक्ष भए लगत्तै नेपाली सेनाको प्रस्तावमा मन्त्री परिषदको बैठकले उहाँलाई नेपाल भ्रमणको निम्तो दिएको थियो ।
