बर्दिया, १५ चैत ।
भारतीय वन विभागका कर्मचारीले बर्दियाको मधुवन नगरपालिका–५ मा पर्ने नेपाल–भारतको सीमा दशगजामा खनेको कुलो नेपाली पक्षले पुर्न लगाएको छ ।
कतर्निया वन्यजन्तु आरक्ष भारतका कर्मचारीले सीमा स्तम्भ ७५ र ७६ को बीचमा हिजो बिहान स्काभेटरले खनेको झन्डै २० मिटर लामो कुलो खनेको थियो ।
कुलो खनिरहेको खबर पाएलगत्तै सशस्त्र प्रहरी सीमा सुरक्षा बल, सानोश्रीका प्रहरी निरीक्षक भूपेन्द्र पालको नेतृत्वमा खटिएको टोलीले सीमा रेखामा दुवै देशले कुनै गतिवधि गर्न नपाउने भन्दै प्रतिकार गरेको थियो ।
कुलो खेनेको भुभाग भारततीर पर्ने भारतीय पक्षको दाबी रहेपनि सीमा स्तम्भबाट नौ मिटरभित्र पर्ने नपर्ने अन्यौल भएपछि पुर्न लगाईएको प्रहरी निरीक्षक पालले बताउनु भयो ।
अन्तर्रा्ष्ट्रिय कानुनले दशगजाभित्र यस्ता कुनै पनि कार्य गर्न पाइँदैन । यता बर्दियाका प्रमुख जिल्ला अधिकारी विष्णुबहादुर थापाले यस विषयमा आफूलाई कुनै जानकारी नआएको बताउनुभयो ।
