काठमाण्डौ ,१२ चैत ।
चीनका रक्षा मन्त्री चाङ वानक्वान नेपालको तीन दिने औपचारीक भ्रमण सकेर आज स्वदेश फर्कनु भएको छ । स्वदेश फर्कनुअघि रक्षामन्त्री चाङले भूकम्पबाट क्षतिग्रस्त वसन्तपुर दरवार क्षेत्रको अबलोकन गर्नु भएको छ ।
वसन्तपुर दरबारको ऐतिहासिक तथा पुरातात्वीक महत्वबारे जानकारी दिने उदेश्यले नेपाली सेनाले उहाँलाई उक्र क्षेत्र अबलोकनको व्यवस्था गरेको हो ।
तीन दिने नेपाल बसाईका क्रममा मन्त्री चाङले राष्ट्रपति बिद्यादेबी भण्डारी, प्रधानमन्त्री पुष्पकमल दाहाल, गृहमन्त्री बिमलेन्द्र निधी, समकक्षी बालकृष्ण खाँड, प्रधानसेनापति राजेन्द्र क्षेत्री लगायत उच्च पदस्थ अधिकारीहरुसँग भेटवार्ता गर्नुभएको थियो ।
उहाँले चीनले अघि सारेको वान वेल्ट वान रोड परियोजनामा नेपाललाई साझेदार बन्न आग्रह गर्नुका साथै उच्चस्तरीय भेटमा तिब्बत र ताईवान चीन कै अभिन्न अंग रहेकोले चीन बिरोधि गतिबिधि हुन नदिन आग्रह गर्नुभएको थियो ।
