चितवन, ७ चैत ।
चितवनको देवघाटबाट नारायणी नदीमा हाम्फालेर बेपत्ता भएका सैनिक जवान सरोज पोखरेलको खोजी कार्य आज पनि जारी छ ।
चीतवनकी सम्झना पौडेलसँगै यही चैत ५ गते अपराह्न भरतपुर महानगरपालिका–१ स्थित देवघाटबाट नारायणी नदीमा हाम फालेको पोखरेलको खोजी कार्य जारी राखिएपनि अवस्था अझै पत्ता लाग्न नसकेको प्रहरीले जनाएको छ ।
सम्झनाको नदिवाट सकुशल उद्धार गरिएपनि पोखरेल बेपत्ता भएको र खोजी जारी रहेको चितवनका प्रहरी नायब उपरीक्षक दीपक श्रेष्ठले जानकारी दिनुभयो ।
वडा प्रहरी कार्यालय नारायणगढबाट प्रहरी टोलीले स्थानीय बोटेको सहयोगमा भरतपुर महानगरपालिका–२२ कि १८ वर्षीया पौडेललाई उद्धार गरेको उहाँले बताउनुभयो ।
भरतपुर–२१ का २२ वर्षीय पोखरेल नेपाली सेनाको विपद् व्यवस्थापन गण, रसौली चितवनमा कार्यरत थिए । उनको नेपाल प्रहरी, नेपाली सेना, सशस्त्र प्रहरी बल र स्थानीयको सहयोगमा खोजतलास भइरहेको प्रहरीले जनाएको छ ।
उनीहरु दुवै जना प्रेमीप्रेमीका रहेको जानकारी आएको र घटनाको बारेमा अनुसन्धान भइरहेको प्रहरीले जनाएको छ ।
