काठमाडौ ६ चैत्र ।
आइजिपी नियुक्ति सम्बन्धी विवादमा सर्वोच्च अदालतले आज अन्तिम सुनुवाई गर्दैछ । प्रधानन्याधीश सुशीला कार्की सहितको पूर्ण इजलासमा आज अन्तिम सुनुवाईपछि मुद्दाबारे फैसला हुनेछ ।
मुद्दामा प्रधानन्यायाधीश कार्कीसहित न्यायाधीशहरु हरिकृष्ण कार्की, ईश्वर प्रसाद खतिवडा, आनन्दमोहन भट्टराई र अनिलकुमार भट्टराईको पूर्ण इजलासमा सुनुवाई हुने सर्वोच्चले जनाएको छ ।
यसअघि न्यायाधीशद्वय ईश्वरप्रसाद खतिवडा र तेजबहादुर केसीको इजलासले पूर्ण इजलासमा सुनुवाई गर्ने निर्णय गरेको थियो ।
सरकारले प्रहरी महानिरीक्षकमा जयबहादुर चन्दलाई बढुवा गरेपछि प्रहरी नायव महानिरीक्षक नवराज सिलवाल र अधिवक्ता कपिलदेव ढकालले दायर गरेका रिटमा रिटमा सर्वोच्चले निर्णय कार्यान्वयन नगर्न सरकारलाई अन्तरिम आदेश दिएको थियो ।
सर्वोच्चको आदेशपछि प्रहरी अतिरिक्त महानिरिक्षक डाक्टर दिनेशचन्द्र पोखरेललाई निमित्त प्रहरी महानिरीक्षकको जिम्मेवारी दिएको छ ।
