काठमाडौ ६ चैत्र ।
अमेरिका नौसेना प्रमुख ह्यारी बिन्क्ले ह्यारिस आज नेपाल आईपुग्नु भएको छ । नेपाली सेनाको आयोजनामा काभ्रेको पाँचखालमा भोलीदेखि हुने ‘शान्ति प्रयास’ नामक सैन्य अभ्यासको उद्घाटन कार्यक्रममा सहभागी हुन ह्यारिस नेपाल आउनुभएको हो ।
नेपाल संयुक्त सैन्य अभ्यासमा राष्ट्रसंघीय शान्ति सेनामा सहभागी २७ राष्ट्रले सहभगिता जनाउँदै छन् । प्रधानमन्त्री पुष्पकमल दाहालले उद्घाटन गर्ने कार्यक्रम चैत २१ गतेसम्म जारी सन्चालन हुनेछ ।
तीन दिने नेपाल भ्रमणका क्रममा हृयारिसले प्रधानमन्त्री पुष्पकमल दाहाल, रक्षामन्त्री बालकृष्ण खाँण, परराष्ट्रमन्त्री प्रकाश शरण महत र प्रधानसेनापति राजेन्द्र क्षेत्रीसँग भेटवार्ता गर्नुहुनेछ ।
भेटमा नेपाल र अमेरिकाबीच सैन्य सहकार्य र सहयोगबारे छलफल हुने बताइएको छ । अमेरिकी नौसेनाका एडमाइरल ह्यारिस अमेरिकी सेनाको प्रभावशाली प्यासिफिक कमान्डका कमान्डर समेत हुनुहुन्छ ।
अमेरिकी नौसेना प्रमुखको भ्रमण लगत्तै आगामी चैत्र १० गते चिनियाँ रक्षामन्त्री चङ् वानछुन पनि नेपाल भ्रमणमा आउनु हुने भएको छ ।
