काठमाडौ ६ चैत्र ।
नाङसाल क्लब नेपालको ७५ औं नियमित साहित्यिक कार्यक्रम हिजो राजधानीमा सम्पन्न भएको छ । क्लबले प्रत्येक महिनाको पहिलो शनिबार नियमित रुपमा साहित्यक श्रृंखला सन्चालन गर्दै आएको छ ।
राजधानीको प्रदर्शनी मार्गस्थित आर आर क्याम्पसमा भएको कार्यक्रममा तामाङ समुदायका क्रियाशिल साहित्यकारहरुको सहभागिता रहेको थियो ।
कार्यक्रममा तामाङ वरिष्ठ साहितयकार योगेश राल्फाली, गजलकार गोले केआर चालिसेली, राम बी लामा लाग्र्युङ, ढक बाहदुर घिसिङ, रेनुका गोले लगायतले साहित्यीक रचना बाचन गर्नुभएको थियो ।
यस्तै स्रष्टा धनकुमारी घिसिङ, संगिता थिङ तथा रन्जना मोक्तनको तामाङ चिनारी बोकेको फापरे ह्वाई प्रस्तुतीले कार्यक्रममा माहोल बनाएको थियो ।
लामो समयदेखि तामाङ भाषा साहित्य तथा तामाङ समुदायको उत्थानका लागि क्रियाशिल संस्था नाङ क्लब नेपालले नियमित साहित्य बाचनका साथै विभिन्न कार्यक्रमहरु पनि सन्चालन गर्दै आएको छ ।
