मृत्युहुनेमा १९ वर्षीय भीमबहादुर सिपाइली रहेका छन् । दुर्घटनामा परी गम्भीर घाइते भएका सिपाइलीको उपचारका क्रममा मेडिकल कलेज कोहलपुरमा आज मृत्यु भएको जिल्ला प्रहरी कार्यालय सल्यानले जनाएको छ । सल्यान खलङ्गाबाट श्रीनगर जाँदै गरेको रा १ त १८८९ नं को ट््याक्टर बिहीबार बेलुकी खलङ्गा नजिकै दुर्घंटना भएको थियो । सडकबाट झन्डै दुई सय मिटर तल ट्याक्टर खसेको थियो ।

दुर्घटनामा घाइते भएका ट्याक्टर चालक सल्यान शारदा नगरपालिका– २ का २७ वर्षीय हरि नेपालीको जिल्ला अस्पताल सल्यानमा उपचार भइरहेको छ । दुर्घटना के कति कारणले भएको खुल्न नसकेको प्रहरीले जनाएको छ ।