काठमाण्डौ ,२९ फागुन । प्रहरीले होलिका दिन आज उपत्यकाबाट १२ सय ९४ मोटरसाईकल समातेको छ ।

उपत्यका काठमाडौं, भक्तपुर र ललितपुरबाट १२ सय ९४ मोटरसाइकल समातिएका उपत्यको  ट्राफिक प्रहरी कार्यालयले  जनाएको छ ।

तीनजना सवार भएको, हेल्मेट नलगाइकन मोटरसाइकल चलाएको, तीव्र गतिमा र लापरवाहीपूर्वक मोटरसाइकल हाँकेका कारण यतिका धेरै मोटरसाइकल समातिएका हुन् ।

प्रहरी परिसर काठमाडौंले मात्रै २५९ जनालाई पक्राउ गरेको छ । जसमा ११ जना महिला रहेका छन् । सार्वजनिक ठाउमा मदिरा पिउँदै हिडने, अरुलाई जर्वजस्ती रंग दल्ने र दुर्व्यवहार गरेको आरोपमा उनीहरु पक्राउ परेका हुन् । त्यस्तै काठमाडौं परिसरले ३३ वटा मोटरसाइकल समातेको छ ।

प्रहरी परिसर भक्तपुरले १७ जना र प्रहरी परिसर ललितपुरले ४० जनालाई नियन्त्रणमा लिएको छ ।