कैलाली २९ फागुन,।
कैलालीको लम्की नगरपालिकाबाट अन्दाजी चार केजी अबैध लागूऔषध अफिम सहित एक जनालाई प्रहरीले आज विहान पक्राउ गरेको छ ।

पक्राउ पर्नेमा बाजुरा रुगिन ४ स्थायी घर भएका ३७ बर्षीय बिर्द कार्की रहेका छन् । उनलाई क्षेत्रीय अनुसन्धान ब्यूरोको टोलीले आज बिहान अफिमसहित पक्राउ गरेको हो । बाजुरा घर भएपनि उनी बाँकेको कोहलपुर बस्दै आएका थिए ।

गोप्य सूचनाको आधारमा भारत पैठारी गर्न लागेको अवस्थामा ब्यूरोको टोलीले कार्कीलाई पक्राउ गरेको सुदूरपश्चिमका डिआइजी रोमेन्द्र सिंह देउजाले जानकारी दिनु भयो ।

सेतो हेरोइनको कच्चा पदार्थको रुपमा लिइने अफिमको नेपाली बजारमूल्य डेढदेखि २ लाख प्रतिकेजीसम्म हुने गरेको प्रहरीको भनाइ छ ।
पक्राउ परेका कार्कीलाई आवश्यक कारबाहीका लागि अफिम सहित जिल्ला प्रहरी कार्यालय कैलालीमा बुझाइने डिआइजी देउजाले बताउनु भयो ।

कार्तिक शुक्ल प्रतिपदामा गोवद्र्धन, बली, गोरु र हलिको पूजा

उद्योगमन्त्री साह र भारतीय राजदूत दलेलाबीच भेट

पर्सामा पटाका पड्काउने क्रममा जलेर पाँच वर्षीय बालकको मृत्यु

कोप–३१ को उद्घाटनकै दिन नेपालका महत्वपूर्ण कार्यक्रम

तिहारको चौथो दिन गाईपूजाको तस्वीरहरु हेर्नुहोस्

‘प्रिय कर्णाली’मा कर्णालीको सभ्यता, पहिचान र सामाजिक रूपान्तरणको विमर्श