काठमाडौं, फागुन २१ ।
स्थानीय विकासमन्त्री हितराज पाण्डेले दलित प्रतिनिधित्व बढाउन सरकारले विशेष नीति बनाउने बताउनु भएके छ ।
उपेक्षित, उत्पीडित र दलित वर्ग उत्थान विकास समितिले आज राजधानीमा आयोजना गरेको कार्यक्रममा बोल्दै मन्त्री पाण्डेले स्थानीय तहको निर्वाचनमा दलितहरुको सुनिश्चित प्रतिनिधित्व आवश्यक रहेको बताउनु भयो ।
अहिलेको अवस्थामा स्थानीय निकायमा दलित प्रतिनिधित्व सन्तोषजनक नभएको भन्दै उहाले सरकार यसतर्फ सचेत रहेको बताउनु भयो । स्थानीय निर्वाचनबाट सबैभन्दा बढी फाइदा पिछडा वर्ग र दलित समुदायलाई हुने मन्त्री पाण्डेको भनाई छ ।
समितिका कार्यकारी निर्देशक बुद्धिबहादुर नेपालीले सामाजिक, आर्थिक, राजनीतिक र शैक्षिक दृष्टिकोणले दलित समुदायलाई अगाडि बढाउनुपर्ने आवश्यकता रहेको बताउनु भयो ।
उहाले दलितका लागि स्थानीय तह नै दलित अधिकार प्राप्तिको आधार भएको भन्दै राज्य पुनःसंरचनामा सत्ता–शक्तिको मुख्य आधार बनाउनुपर्नेमा जोड दिए ।
देशभरका दलित जिल्ला समन्वय समितिका उपाध्यक्षसहितको कार्यशाला दुई दिनसम्म चल्नेछ ।
