काठमाडौ १४ फागुन । आगामी फागुन १८ गतेका लागि तय भएको स्ववियु निर्वाचनका लागि आज उम्मेदवारी दर्ता प्रक्रिया सुरु हुदैछ । संशोधित कार्यतालिका अनुसार आज सार्वजनिक विदा परेपनि निर्वाचन कार्यतालिका यथावत रहने जनाइएको छ ।
आज बिहान १० देखि स्ववियु निर्वाचन हुने काठमाडौं उपत्यका सहित देशभरका त्रिवि आङिगक क्याम्पसहरुमा आज उम्मेदवारी दर्ताको प्रक्रिया सुरुहुने निर्वाचन समितिले जनाएको छ ।
निर्वाचन कार्यतालिका अनुसार आज अपरान्न ३ बजेसम्म प्रत्यक्ष र समानुपातिक तर्फ उम्मेदवारी मनोनयन गर्ने र साँझ ५ बजे प्रत्यक्षतर्फको उम्मेदवारको नामावली प्रकाशन गरिने रहेको छ ।
यस्तै भोली बिहान ८ बजेदेखि १० बजेसम्म उम्मेदवारको नामावलीमाथि दाबी विरोध गर्ने समय तोकिएको छ । मध्यान्न १२ बजे उम्मेदवारको दाबी विरोधमाथि छानबिन गरी नामावली प्रकाशन गरिने छ ।
भोली दिउँसो १२ बजेदेखि ३ बजेसम्म उम्मेदवारलाई नाम फिर्ता लिने समय दिएको त्रिबिले साँझ ५ बजे उम्मेदवारको अन्तिम नामावली प्रकाशन गर्नेछ ।
८ बर्षपछि त्रिभुवन विश्वविद्यालयबाट सम्बन्धन प्राप्त र आंगिक क्याम्पसहरुमा आगामी फागुन १८ गते २८ वर्षे उमेर हद र मिश्रित निर्वाचन प्रणाली हनुसार स्ववियु निर्वाचन हुँदैछ ।
