काठमाडौँ, १३ फागुन । स्वास्थ्य मन्त्री गगनकुमार थापाले अस्पतालको सेवा र सुविधा समेत गुणस्तरीय र भरपर्दो हुनुपर्ने बताउनुभएको छ ।
काठामाडौँको सोह्रखुट्टेमा ‘एरा हेल्थ सेन्टर’ को उद्घाटन गर्दै मन्त्री थापाले अस्पतालको लगानीमा मात्र ध्यान दिएर गुणस्तीयतालाई नबिर्षन आग्रह गर्नुभयो ।
सरकारले तोकेको मापदण्ड पु¥याएर सञ्चालनमा आएको सो अस्पतालले स्वदेशी तथा विदेशी पर्यटकको गुणस्तरीय स्वास्थ्य उपचारमा महत्वपूर्ण भूमिका खेल्ने विश्वास व्यक्त गर्नुभयो ।
अस्पतालका अध्यक्ष डा गिर्वाणराज तिमिल्सिनाले कुनै पनि विदेशी नेपाल आउँदाको समय बिरामी परे उपचार गर्न पाएनौँं भन्ने गुनासो नहोस् भन्ने उद्देश्यले २५ शइयाको अस्पताल सञ्चालनमा ल्याएको बताउनुभयो ।
मुलुकमा विदेशी नागरिकका लागि मात्र भनेर खोलिएका अस्पताल नगन्य भएका अवस्थामा यस अस्पतालले पर्यटकको स्वास्थ्य उपचारमा महत्वपूर्ण भूमिका निर्वाह गर्ने सो अस्पतालका निर्देशक भानु ढकालले बताउनुभयो ।
