११ फागुन । त्रिभुवन विश्वविद्यालयका सबै क्याम्पसमा आजदेखि स्वतन्त्र विद्यार्थी युनियन (स्ववियु) निर्वाचनको प्रक्रिया सुरु भएको छ ।
निर्वाचनका लागि आज देशभरका त्रिविका आङ्गिक र सम्बन्धन प्राप्त क्याम्पसले स्ववियु निर्वाचन मतदानमा सहभागी मतदाताको नाम प्रकाशन भएको छ ।
स्ववियु निर्वाचनको मिति फागुन १८ गते सारिएपछि नयाँ कार्यतालिका अनुसार निर्वाचन प्रक्रिया सुरु भएको हो ।
प्रक्रियाअनुसार नै निर्वाचनमा सहभागी विद्यार्थी सङ्गठनले आजसम्म क्याम्पस निर्वाचन समितिमा सङ्घ सङ्गठन दर्ता पनि गराउने अन्तिम समय तोकिएको छ ।
निर्वाचन प्रक्रिया अनुसार फागुन १२ गते प्रत्यक्ष तथा समानुपातिक तर्फका उम्मेदवारको मनोनयनपत्र वितरण गरिने, १४ गते उम्मेदवारले मनोनयनपत्र दर्ता गराउने र १५ गते उम्मेदवारको अन्तिम नामावाली प्रकाशन गर्ने तथा फागुन १८ गते मतदान तोकिएको छ । यसअघि त्रिविले फागुन १४ गतेदेखि हुने निर्वाचनको लागि फागुन १ गतेदेखि निर्वाचन प्रक्रिया सुरु गरेको थियो । आठ वर्षपछि स्ववियु निर्वाचन हुन थालेको हो ।
यसैबीच विभिन्न दल सम्बद्ध विद्यार्थी संगठनहरु स्वयवियु निर्वाचनमा आफ्नो जीतको रणनीति बनाउन लागि परेका छन् ।
नेविसघं, अखिल , अखिल क्रान्तिकारी लगायतका विद्यार्थी संगठनका नेताहरु संगठनलाई जीताउने रणनीतिमा लाग्न थालेका हुन् ।
उनीहरुले भर्ना भएका विद्यार्थीहरुलाई संगठित गर्ने, मत माग्ने लगायतका काम शुरु गरेका छन् ।
