काठमाडौ ६ फागुन ।
त्रिभुवन विश्वबिद्यालयले आगामी फागुन १८ गतेका लागि तोकिएको स्ववियु निर्वाचनको कार्यतालिका सार्वजनिक गरेको छ । त्रिवि कार्यकारी परिषदको आजको बैठकले एक साता लामो स्ववियु निर्वाचन कार्यतालिका सार्वजनिक गरेको हो ।
यसअघि फागुन १४ गतेका लागि निर्धारण गरिएको निर्वाचन पाँच दिन सरेपछि पुनः नया कार्र्यतालिका तय गरेको छ । नयाँ कार्यतालिका अनुसार फागुन ११ गते मतदाता नामवली सूची प्रकाशित गर्ने भएको छ ।
त्यस्तै सोही दिन २ बजेसम्म मतदाता सूचीमाथि दावी बिरोध गर्ने र फागुन १२ गते मतदाताको अन्तिम नामावली सार्वजनिक गर्ने कार्यतालिका छ ।
फागुन १२ गते नै प्रत्यक्ष र समानुपातिक तर्फका उम्मेदवारको मनोनयत वितरण गरिनेछ । फागुन १४ गते उम्मेदवारी दर्ता हुनेछ भने १५ गते मध्यान्ह १२ बजे सम्म उम्मेदवारको अन्तिम नामावली प्रकाशित हुनेछ ।
यसैगरी १५ गते नै दिउँसो ३ बजेसम्म उम्मेदवारी फिर्ता लिने समय तोकिएको छ भने ५ बजेसम्म उम्मेदवारको अन्तिम नामावली प्रकाशन गरिनेछ । परिषदको बैठकले १८ गते हुने निर्वाचनको समय सम्बन्धित क्याम्पसलाई नै तय गर्न छुट दिएको छ ।
