काठमाडौ ६ फागुन ।
नवलपरासी जिल्लाको कुडिया गाउ विकास समिति वार्ड न.६महलबारीमा मदार बाबा मेला आज देखि शुरू भएको छ । मुस्लिम समुदायको आस्थाको केन्द्र बिन्दु बनेको मदार बाबा मेला मुस्लिम समुदायको नेपालकै पहिलो र पुरानो ऐतिहासिक मदार बाबा मेला धार्मिक स्थल बनेको छ ।
मदार मेला ब्यवस्थापन समितिका अध्यक्ष जमालुदिन अन्सारीले दिएको जानकारी अनुसार यो मेला बदिउदिन जिन्दा शाह बाबाको ६०० औ मेला हो ।मेलामा भक्तजनहरूलाई सरल,सुलभ र भब्य बनाउनको लागि मेलामा करिब २००सुरक्षा कर्मी परिचालन गरिएको साथै १०० जना स्वयंसेवक ,३ ठाउमा स्वास्थ्य शिविर ,२० वटा सार्वजनिक शौचालय ,नया बाटो निर्माण लगाएत आउने भक्तजनहरूलाई विभिन्न ब्यवस्था गरिएको छ ।
बाबाको मुख्य मजारमा पुगनको लागि महलबारी देखि ९ किलोमिटर टाढा पहाडमा अवस्थित रहेको हुदा पैदल यात्रा गरि बाबाको मुख्य स्थल सम्म पुगने गरिन्छ ।मदार मेलामा मुस्लिम र हिन्दु धर्मावलम्बीहरूको संगम रहने गर्दछ ।हिन्दु र मुस्लिम मजार सम्म पुगेपछि घरपरिवारमा शान्ति आउनुको साथै हरेक मनोकामना पूरा हुन्छ भन्ने विश्वास गरिएको छ ।
यो मेला फागुन १४ गते सम्म संचालन रहने छ ।सो मदार मेलामा भारत ,विहार र नेपालका विभिन्न ठाउहरूबाट करिब १५ लाख भन्दा बढी भक्तजनहरू आउने अन्सारीले दाबी गर्नु भएको छ ।
