काठमाडौ ३ फागुन ।
स्थानीय तह पुनरसंरचनाका क्रममा दुई नम्बर प्रदेशमा देखिएकोे विवाद अन्त्यको प्रयासमा सरकारी कार्यदलले आजपनि सम्बन्धीत जिल्लाका सांसदहरुसँग आजपनि छलफल गर्दैछ ।
संघिय मामिला तथा स्थानीय विकासमन्त्री हितराज पाण्डेको संयोजकत्वमा गठित तीन सदस्यीय टोलीले आज तराईका विवादित जिल्ला सर्लाहीका सांसदहरुसँग छलफल गर्ने तयारी गरेको छ ।
बिहान १० बजेपछि सिंहदरबारमा हुने छलफलमा स्थानीय तह पुनरसंरचनामा देखिएको विवादबारे सर्लाहीबाट प्रतिनिधित्व गरेका सांसदहरुको धारणा बुझ्ने मन्त्री पाण्डेले जानकारी दिनुभयो ।
यसअघि सरकारी कार्यदलले हिजो र अस्ती सप्तरी, सिरहा धनुषा र महोत्तरीका विभिन्न राजनितिक दलबाट प्रतिनिधित्व गर्ने सांसदहरुसँग छलफल गरेको थियो ।
छलफलका क्रममा बोल्ने सांसदहरुले स्थानीय तह पुनरसंरचनाका क्रममा जनतालाई सहभागी नगराइएको तथा जनसंख्याका आधारमा स्थानीय तह पुनरसंरचना गर्नुपर्ने लगायतका सुझाव दिएका छन् ।
