काठमाडौँ, २५ माघ । अख्तियार दुरुपयोग अनुसन्धान आयोगले ललितपुर जिल्ला अदालतमा कार्यरत नायब सुब्बा श्यामप्रसाद अर्यालविरुद्ध विशेष अदालतमा मुद्दा दायर गरेको छ ।

अदालतबाट सफाइ पाएका एक सेवाग्राहीलाई अन्य मुद्दामा फसाइदिने धम्की दिँदै रु तीन लाख घुस माग्दामाग्दै आयोगको टोलीले केही दिन पहिले पक्राउ गरेको थियो ।

आयोगले बिगोसमेत असुल उपर गरी हदैसम्मको कारबाहीको माग गर्दै विशेष अदालतमा मुद्दा दायर गरिएको आयोगका प्रवक्ता जीवराज कोइरालाले जानकारी दिनुभयो ।

अदालतका कर्मचारीलाई आयोगले नियन्त्रणमा लिएको विषयमा अदालत र आयोगको कार्यक्षेत्रलाई लिएर विवादसमेत भएको थियो । भ्रष्टाचारको विषयमा उचित निरुपण गर्ने निकाय आयोग नै भएको ठहरपछि अदालतले अर्याललाई पुनः आयोगको नै जिम्मा लगाएको थियो ।