माघ २५ काठमाण्डौं । नेपाल टेलिकमले सञ्चालन गरिरहेको फोरजी सेवा आज २०७३ देखि सवै सिरीजको आईफोन सेटहरुमा पनि प्रयोग गर्न सकिने भएको छ । यस अघि यो सेवा आईफोन सिरीज ५ का सेटमा मात्र प्रयोग गर्न सकिने अवस्था थियो ।
नेपाल टेलिकमले फोरजी सेवा सञ्चालन आरम्भ गर्नु अगावै देखि एपपल कम्पनीका सवै सिरीजका मोवाइल फोन सेटहरुमा पनि यो सेवा प्रयोग गर्न सकिने व्यवस्था गर्न उक्त कम्पनीलाई आग्रह गरेपछि सो कम्पनीले आगामी मार्च महिना देखि सो व्यवस्था गर्ने योजना भएको जानकारी गराएको थियो ।
नेपाल टेलिकमले पौष १७ गते देखि नेपालमै पहिलो पटक फोरजी सेवा सञ्चालनमा ल्याएको थियो । आरम्भमा काठमाडौ उपत्यका र पोखरा उपत्यकाका पोष्टपेड मोवाइलका ग्राहकहरुका लागि यो सेवा उपलब्ध गराइएको र कम्पनीको वार्षिकोत्सवका अवसरमा माघ २२ गते देखि काठमाडौ र पोखराका प्रिपेड मोवाइल सेवाका ग्राहकहरुलाई पनि यो सेवा उपलब्ध गराइएको छ ।
