काठमान्डौ माघ २५ ।
राजधानीमा जारी बहुक्षेत्रीय प्राविधिक तथा आर्थिक सहयोगका लागि बङ्गाल खाडीको प्रयास बिमस्टेकको बैठक चौथो शिखर सम्मेलनको तयारी तथा समीक्षा लगायतका विषयमा छलफल गर्दै आज सकिदै छ ।
बिमस्टेकको अध्यक्ष राष्ट्रका हैसियतले नेपालले आइतबार देखि आह्वान गरेको बैठकमा आज सदस्य राष्ट्रहरुका विदेश तथा परराष्ट्र मामिला मन्त्रालयका सचिवस्तरको बैठक बस्दै छ ।
बैठकमा नेपालमा हुने चौथो विमस्टेकको शिखर सम्मेलनको तयारी तथा विमस्टेकको क्षेत्रगत उपलब्धिको समीक्षा लगायतको विषयमा छलफल हुने परराष्ट्र मन्त्रालयले जनाएको छ । आजको बैठकको नेतृत्व नेपालका तर्फबाट परराष्ट्र मन्त्रालयका सचिव शंकरदास बैरागीले गर्नुहुने छ ।
बैठकमा नेपाल सहित बिम्स्टेक सदस्य राष्ट्र भारत, बंगलादेश, भुटान, म्यानमार, श्रींलका र थाइल्याण्डका वाणिज्य र परराष्ट्र मन्त्रालयका वरिष्ठ अधिकृतको सहभागिता रहेको बताइएको छ ।
बैठकमा यस क्षेत्रको सामाजिक–आर्थिक विकास, संस्कृति, विज्ञान प्रविधी उर्जालगायत १४ क्षेत्रमा भएका साझेदारी तथा लगानीको समीक्षा समेत हुनेछ ।
