काठमान्डौ माघ २४ ।
पृथ्वी राजमार्ग अन्तर्गत धादिङको धार्केमा माइक्रोबस दुर्घटनामा परी घाइते भएका एक बालकको आज विहान उपचारका क्रममा मृत्यु भएको छ । दुर्घटनामा अन्य १२ जना घाइते भएका छन् ।
गोरखाका ७ वर्षिय बालक सुजन थापाको उपचारको क्रममा आज विहान मृत्यु भएको प्रहरीले जनाएको छ । गम्भीर घाइते गोरखाका सविना थापा, कल्पना गौतम र मुनप्रसाद देवकोटाको ललितपुर स्थित गणेशमान महालक्ष्मी अस्पतालमा उपचार भइरहेको छ ।
काठमाण्डौबाट गोरखा तर्फ जाँदै गरेको बा २ ख ३७१४ नम्बरको माइक्रोबसले ना ५ ख २९२० नम्बरको ट्रकलाई ओभरटेग गर्न खोज्दा उक्त दुर्घटना भएको थियो । घाइते हुनेमा सबै माइक्रोबसमा सबार यात्रु रहेका छन् ।
सामान्य घाइते ६ जनाको धार्के्स्थित शिवदर्शन अस्पतालमा उपचार भइरहेको छ भने अन्य घाइतेको काठमाण्डौ स्थित विभिन्न अस्पतालमा उपचार भइरहको प्रहरीले जनाएको छ ।
