काठमाडौं २२ माघ
रक्षामन्त्री वालकृष्ण खाँडले टेरिया मगरलाई शान्ति दूत र राष्ट्रिय प्रतिभा घोषणा गर्नको लागि मन्त्रिपरिषदमा कुरा राख्ने बताउनु भएको छ ।
शनिबार रिपोर्टर्स क्लबमा आयोजित कार्यक्रममा उहाले टेरियाले नेपाल र नेपालीको शिर उच्च बनाउने काम गरेकाले शान्ति दूत र राष्ट्रिय प्रतिभा घोषणा गर्न पहल गर्ने बताउनु भएको हो ।
रुपन्देहीकी टेरिया भारतीय टेलीभिजनले संचालन गरेका दुइओटा ठूला अन्र्तराष्ट्रिय नृत्य रियालीटी सो कि बिजेता हुन् ।
टेरिया फाउण्डेसनकी संरक्षक तथा भारतीय टेलिभिजन च्यानल कलर्सबाट प्रसारण हुने कार्यक्रम ‘झलक दिखला जा’को बिजेता टेरिया फौजा मगरले आफ्नो क्षमताले मात्रै बिजेता नबनेको बताएकी छिन्।
आफू जहाँ भएपनि नेपालको काम गर्ने उनले बताइन् । ‘म नेपालमा बसेर केही काम गरे भने टेरिया नामले मात्रै चिनिन्छु, यदि म बाहिर बसेर सानो प्रगति गरें भने पनि नेपालकी टेरियाले यस्तो गरिन् भनेर आउँछ, त्यसैले म जहाँ बसेपनि नेपाल र नेपालीहरुको लागि काम गर्नेछु।’ उनले भनिन् ।
