दाङ, माघ २१।
गएराति दाङमा भएको सवारी दुर्घटनामा परी एक जनाको मृत्यु भएको छ । घटनामा चार जना घाइते भएका छन् ।
घोराहीबाट तुलसीपुरतर्फ जाँदै गरेको रा १ प ६७४४ नम्बरको मोटरसाइकल र घोराहीतर्फ आउँदै गरेको रा ३ प ४८०१ नम्बरको मोटरसाइकल नारायणपुरमा ठोक्किदा उक्त दुर्घटना भएको हो ।
मृत्यु हुनेमा रा ३ प ४८०१ नम्बरको मोटर साइकलको पछाडि सवार त्रिपुर नगरपालिका— ६ हापुर रमनाका १८ वर्षीय मनोज सुनारको रहेका छन् ।
उनीसँगै सवार दुईजना हापुरकै १८ वर्षे कमल बुढाथोकी र १९ वर्षे जुनकुमार बुढा मगर गम्भीर घाइते भएका छन् ।
त्यस्तै तुलसीपुरतर्फ जाँदै गरेको मोटर साइकलमा सवार कोइलाबास–१ का ४३ वर्षीय रमेशकुमार गुरुङ र १२ वर्षीय सुस्मिता गुरुङ सामान्य घाइते भएका छन् ।
घाइतेहरुको राप्ती उपक्षेत्रीय अस्पताल घोराहीमा उपचार भइरहेको जिल्ला प्रहरी कार्यालयले जनाएको छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
